கள்ளக்குறிச்சி தொகுதியின் தவெக எம்.எல்.ஏ அருள் விக்னேஷ், பெண் மாவட்ட ஆட்சியருக்கு ஆபாச குறுஞ்செய்தி அனுப்பியதாகப் புகார் எழுந்தது. இது சம்பந்தமான தகவல் சமூக வலைத்தளங்களில் வெளியாகி பெரும் அதிர்வலைகளை ஏற்படுத்தியிருந்தது.
ஆளும் கட்சி எம்.எல்.ஏ வின் இந்த அபத்தமான செயலுக்கு எதிர்க்கட்சியினர் பலரும் கண்டனங்களைத் தெரிவித்து வருகின்றனர். அதே நேரத்தில், கூட்டணிக் கட்சியைச் சேர்ந்த காங்கிரஸ் நாடாளுமன்ற உறுப்பினர் ஜோதிமணியும் வன்மையான கண்டனங்களைத் தெரிவித்திருந்தார்.
இந்நிலையில், இந்த விவகாரம் குறித்து காங்கிரஸ் தமிழ்நாடு மாநில தலைவர் மாணிக்கம் செய்தியாளர்களின் கேள்விகளுக்குப் பதில் அளித்தார். அப்போது, அவர் பேசுகையில், ”பெண் மாவட்ட ஆட்சியருக்கு ஆபாசக் குறுஞ்செய்தி அனுப்பியதாகக் கூறப்படும் புகாரில் சிக்கியுள்ள கள்ளக்குறிச்சி தவெக எம்.எல்.ஏ. அருள் விக்னேஷ் பாவம். வாட்ஸ்அப்பில் பரவும் தகவல்களை வைத்து அவரைக் குற்றவாளியாகச் சித்தரிப்பது நியாயமில்லை. ஒருவேளை தவறு நடந்திருந்தால் நடாடிக்கை எடுக்கட்டும்.
எம்.எல்.ஏ அருள் விக்னேஷ் மிகவும் பிற்படுத்தப்பட்ட சமூகத்திலிருந்து வந்த முதல் தலைமுறை சட்டமன்ற உறுப்பினர் ஆவார். அவர் தன் மீதான குற்றச்சாட்டுகளை மறுத்து, தனது செல்போன் மற்றும் சிசிடிவி காட்சிகளை ஆய்வு செய்யுமாறு விளக்கம் அளித்துள்ளார்” என்பதையும் சுட்டிக்காட்டியுள்ளார்
