முக்கிய செய்திகள்
📅
முகப்பு/தமிழகம்/திருச்செந்தூரில் விண்ணைப் பிளந்த அரோகரா கோஷத்துடன் சூரசம்ஹாரம் கோலாகலம்
தமிழகம்

திருச்செந்தூரில் விண்ணைப் பிளந்த அரோகரா கோஷத்துடன் சூரசம்ஹாரம் கோலாகலம்

✍️ admin••⏱️ 4 நிமிட வாசிப்பு
எழுத்து அளவு:
திருச்செந்தூரில் விண்ணைப் பிளந்த அரோகரா கோஷத்துடன் சூரசம்ஹாரம் கோலாகலம்

இந்த செய்தியைப் பகிர்க:

💬WhatsApp✈️Telegram📘Facebook🐦Twitter (X)

செய்தியைக் கேட்க (Tamil Audio Reader)

செய்தியைக் குரல் வழியே கேட்க பிளே செய்யவும்

வேகம்:

திருச்செந்தூர் அருள்மிகு சுப்பிரமணிய சுவாமி திருக்கோயில் கந்தசஷ்டி விழாவில் சூரசம்ஹாரம் இன்று மாலை நடைபெற்றது. கடற்கரையில் திரண்டிருந்த லட்சக்கணக்கான பக்தர்களின் அரோகரா கோஷம் விண்ணைப் பிளக்க சூரபத்மனை வதம் செய்தார் சுவாமி ஜெயந்திநாதர்.

முருகப் பெருமானின் ஆறுபடை வீடுகளில் இரண்டாம் படை வீடான திருச்செந்தூரில் ஆண்டு தோறும் நடைபெறும் விழாக்களில் கந்தசஷ்டி விழா முக்கியமானதாகும். சூரபத்மனை, முருகப் பெருமான் வதம் செய்த இடம் என்பதால் இங்கு நடைபெறும் சூரசம்ஹாரம் உலக பிரசித்தி பெற்றதாகும். இந்த ஆண்டு கந்தசஷ்டி விழா கடந்த 10-ம் தேதி யாகசாலை பூஜையுடன் தொடங்கியது.

இதனைத் தொடர்ந்து தினமும் காலை 3 மணிக்கு கோயில் நடை திறக்கப்பட்டு, விஸ்வரூப தரிசனம், உதயமார்த்தாண்ட அபிஷேகம், யாகசாலை பூஜை, மூலவருக்கு உச்சிகால பூஜை, ஜெயந்திநாதருக்கு யாகசாலையில் தீபாராதனை, தங்கச் சப்பரத்தில் ஜெயந்திநாதர் யாகசாலையில் இருந்து எழுந்தருளி, வேல் வகுப்பு, வீரவாள் வகுப்பு பாடல்களுடன் சண்முகவிலாசம் சேருதல், திருவாவடுதுறை சஷ்டி மண்டபத்தில் ஜெயந்திநாதருக்கு அபிஷேகம், தங்க ரதத்தில் கிரி வீதி உலா போன்ற பல்வேறு சிறப்பு வழிபாடுகள் நடைபெற்றன.

விழாவின் முக்கிய நிகழ்ச்சியான சூரசம்ஹாரம் 6-ம் திருநாளான இன்று நடைபெற்றது. இதனை முன்னிட்டு அதிகாலை 1 மணிக்கு கோயில் நடை திறக்கப்பட்டு, விஸ்வரூப தீபாராதனை, உதயமார்த்தாண்ட அபிஷேகம் மற்றும் இதர கால வேளை பூஜைகள் நடைபெற்றன. தொடர்ந்து யாகசாலை பூஜைகள் தொடங்கின.

காலை 9 மணிக்கு பூர்ணாகுதி தீபாராதனை, அதனை தொடர்ந்து சுவாமி, அம்மனுக்கு அபிஷேகம், அலங்காரம் நடைபெற்றது. பகலில் மூலவருக்கு உச்சிக்கால தீபாராதனையும், யாகசாலையில் சுவாமிக்கு மகா தீபாராதனையும் நடைபெற்றது.

பின்னர் தங்கச் சப்பரத்தில் சுவாமி ஜெயந்திநாதர் யாகசாலையில் இருந்து எழுந்தருளி வேல் வகுப்பு, வீரவாள் வகுப்பு முதலிய பாடல்களுடன், மேளவாத்தியங்களுடன் சண்முகவிலாசம் சேர்ந்தார். அங்கு சிறப்பு தீபாராதனை நடைபெற்றது. பிற்பகல் 2 மணியளவில் திருவாவடுதுறை ஆதீன சஷ்டி மண்டபத்தில் சுவாமி ஜெயந்திநாதருக்கு அபிஷேகம், அங்காரம் நடைபெற்றது.

தொடர்ந்து மாலை 3.50 மணியளவில் சுவாமி ஜெயந்திநாதர், சூரபத்மனை வதம் செய்வதற்காக போர்க்கோலம் பூண்டு சஷ்டி மண்டபத்தில் இருந்து கடற்கரைக்கு புறப்பட்டார். மாலை 4 மணியளவில் கடற்கரைக்கு வந்து சேர்ந்தார். முன்னதாக சிவன் கோயிலிருந்து சூரபத்மன் எழுந்தருளி உள்மாட வீதி, ரதவீதிகள் சுற்றி கோயில் கடற்கரைக்கு படை பரிவாரங்களுடன் வந்து சேர்ந்தார்.

தொடர்ந்து சூரசம்ஹாரம் தொடங்கியது. முதலில், கஜ முகத்துடன் வந்த சூரபத்மன், சுவாமியை ஆணவத்தோடு மூன்று முறை வலம் வந்து போரிட்டான். அவனை, மாலை 4.15 மணிக்கு ஜெயந்திநாதர் தனது வெள்ளி வேலால் வதம் செய்தார். இரண்டாவதாக சிங்க முகத்துடன் வந்த சூரனை 4.37 மணிக்கும், மூன்றாவதாக சுயரூபத்துடனும் போரிட்ட சூரபத்மனை 4.53 மணிக்கும் வதம் செய்தார்.

பின்னர் மாமரமாக மாறிய சூரனை சேவலாகவும், மயிலாகவும் மாற்றி தன்னுள் ஆட்கொண்டார் ஜெயந்திநாதர். அப்போது கடற்கரையில் அலை கடலென திரண்டிருந்த பக்தர்கள் எழுப்பிய வெற்றிவேல் முருகனுக்கு அரோகரா என்ற கோஷம் விண்ணை பிளக்கச் செய்தது.

சூரசம்ஹாரத்தை காண லட்சக்கணக்கான பக்தர்கள் கடற்கரையில் கூடியிருந்தனர். ‘கடலா… கடல் அலையா’ என வியக்கும் வண்ணம் கடற்கரை முழுவதும் மனித தலைகளாக காட்சியளித்தன. சூரசம்ஹாரம் முடிந்ததும் பக்தர்கள் கடலில் புனித நீராடி விரதத்தை நிறைவு செய்தனர்.

சூரசம்ஹாரம் முடிந்தும் வள்ளி, தெய்வானையுடன் சுவாமி ஜெயந்திநாதர் சந்தோச மண்டபத்தில் எழுந்தருளினார். அங்கு சுவாமிக்கும், அம்பாளுக்கும் அலங்கார தீபாரதனை நடைபெற்றது. சுவாமி பூஞ்சப்பரத்தில் கிரிபிரகாரம் உலா வந்து திருக்கோயில் சேர்ந்தார். இரவு 108 மகாதேவர் சன்னதி முன்பு சாயா அபிஷேகம் நடைபெற்று பக்தர்களுக்கு சஷ்டி பூஜை தகடுகள் கட்டப்பட்டன.

சூரசம்ஹார விழாவில் தமிழக அமைச்சர்கள் ரமேஷ், கீர்த்தனா, ஸ்ரீநாத், மதன் ராஜா, பிரபு, இந்து சமய அறநிலையத்துறை ஆணையர் டி.ஜி.வினய், மாவட்ட ஆட்சியர் விஷு மகாஜன், மாவட்ட வன அலுவலர் இளையராஜா ள்ளிட்டோர் கலந்து கொண்டனர்.

பலத்த பாதுகாப்பு: சூரசம்ஹாரத்தை முன்னிட்டு தென்மண்டல ஐஜி விஜயேந்திர பிதரி, திருநெல்வேலி சரக டிஜஜி திருநாவுக்கரசு, தூத்துக்குடி எஸ்பி சிவபிரசாத் ஆகியோர் தலைமையில் 4,100 போலீஸார் பாதுகாப்பு பணியில் ஈடுபடுத்தப்பட்டனர்.

கடற்கரையில் பல்வேறு இடங்களில் கண்காணிப்பு கோபுரங்கள் அமைக்கப்பட்டு போலீஸார், பைனாகுலர் மூலம் கடற்கரையை கண்காணித்தனர். மேலும் முக்கிய இடங்களில் கண்காணிப்பு கேமராக்களும் பொருத்தப்பட்டிருந்தன. மேலும் போலீசார் தொடர்ந்து ஒலிபெருக்கி மூலம் பக்தர்களுக்கு அறிவிப்புகளையும். எச்சரிக்கைகளையும் விழிப்புணர்வு தகவல்களையும் வெளியிட்டுக் கொண்டே இருந்தனர்.

பக்தர்கள் வசதிக்காக கோயிலை சுற்றி பல்வேறு இடங்களில் பிரமாண்ட எல்இடி திரைகள் அமைக்கப்பட்டிருந்தன. இந்த திரைகள் முன்பு திரளான பக்தர்கள் திரண்டு சூரசம்ஹாரநத்தை கண்டுகளித்தனர். இந்த இடங்களிலும் கூட்டம் அலைமோதியது.

கடற்கரை பகுதி முழுவதும் ட்ரோன் கேமராக்கள் மூலம் கண்காணிக்கப்பட்டன. கடற்கரையில் தீயணைப்பு மற்றும் மீட்பு படையினர் மீட்பு படகு மற்றும் மிதவைகளுடன் தற்காப்பு பணியில் ஈடுபட்டனர். மெரைன் போலீஸார் கடற்கரை பகுதியில் படகு மூலம் ரோந்து சுற்றி வந்தனர்.

சூரசம்ஹாரத்தை முன்னிட்டு திருச்செந்தூர் நகரமே இன்று மாலையில் மனித தலைகளாக காட்சியளித்தது. அனைத்து பணிகளையும் ஒருங்கிணைக்க தமிழகம் முழுவதும் இருந்து இந்து சமய அறநிலையத்துறையை சேர்ந்த இணை ஆணையர்கள், துணை ஆணையர்கள், உதவி ஆணையர்கள் சிறப்பு அதிகாரிகளாக நியமிக்கப்பட்டு பணியில் ஈடுபட்டனர்.

நாளை திருக்கல்யாணம்:

கந்தசஷ்டி விழாவில் 7-ம் நாளான நாளை (நவ.16) திருக்கல்யாணம் நடைபெறுகிறது. இதனை முன்னிட்டு நாளை அதிகாலை 5 மணிக்கு தெய்வானை அம்மன் தபசு காட்சிக்கு எழுந்தருளி முக்கிய வீதிகள் வழியாக தெப்பகுளம் அருகே உள்ள முருகமடத்தை சென்று சேருகிறார். அங்கு மாலை 6.30 மணிக்கு சுவாமி குமரவிடங்கபெருமான் காட்சி கொடுத்ததும் தெற்கு ரதவீதி சந்திப்பில் தோள் மாலை மாற்றும் வைபவம் நடைபெறுகிறது. இரவு 11 மணிக்கு மேல் திருக்கல்யாண மண்டபத்தில் சுவாமி குமர விடங்க பெருமான் – தெய்வானை அம்மன் திருக்கல்யாண நிகழ்ச்சி நடைபெறுகிறது.

ஏற்பாடுகளை கோயில் அறங்காவலர் குழு தலைவர் அருள்முருகன், இணை ஆணையர் அருணாச்சலம், தக்கார் ரா.அருள்முருகன் மற்றும் திருக்கோயில் அலுவலர்கள் செய்துள்ளனர்.

 

🗣️

நேயர்கள் கருத்து (Reader Reactions)

மொத்தப் பதிவுகள்: 92

இந்தச் செய்தி பற்றிய உங்கள் கருத்தை கீழே உள்ள பொத்தான்களில் கிளிக் செய்து தெரிவிக்கவும்:

இந்த செய்தியைப் பகிர்க:

💬WhatsApp✈️Telegram📘Facebook🐦Twitter (X)
அகல்விளக்கு பதிப்பக உரிமையாளர் வீட்டில் சோதனை
தமிழகம்•

அகல்விளக்கு பதிப்பக உரிமையாளர் வீட்டில் சோதனை

கோவை பெரியார் அறிவுலக நூல் கொள்முதல் விவகாரம் தொடர்பாக, அகல்விளக்கு பதிப்பகத்தின் உரிமையாளர் மோகன் வீட்டில் லஞ்ச ஒழிப்புத்துறையினர் இன்று (நவ.16) சோதனை நடத்தி வருகின்றனர். ‘சிந்தை’ இணையதளத்தில் வெளியான கட்டுரையின் எதிரொலியாக, நூலகங்களில் வைக்கப்பட்டிருந்த 70,000-க்கும் மேற்பட்ட போலி புத்தகங்கள் ஏற்கனவே அகற்றப்பட்டன. இதனை தொடர்ந்து, நூல் கொள்முதலில் நடைபெற்ற முறைகேடுகள் குறித்து வழக்குப்பதிவு செய்துள்ள லஞ்ச ஒழிப்புத்துறை அதிகாரிகள், பதிப்பக உரிமையாளர் வீட்டில்சோதனை மேற்கொண்டு வருகின்றனர்.

வி.எஸ்.பாபு உடல்நிலை: கொளத்தூர் மக்கள் கவலை
அரசியல்•

வி.எஸ்.பாபு உடல்நிலை: கொளத்தூர் மக்கள் கவலை

தனியார் மருத்துவமனையில் சிகிச்சை பெற்று வரும் கொளத்தூர் தொகுதி தவெக எம்.எல்.ஏ வி.எஸ்.பாபுவுக்கு அடுத்த 6 மணி நேரம் மிகவும் முக்கியமான காலம் என மருத்துவமனைத் தரப்பில் தெரிவிக்கப்பட்டுள்ளதாகத் தனியார் இதழில் செய்தி வெளியாகியுள்ளது. அவரது கழுத்தில் குழாய் பொருத்தப்பட்டு சளி வெளியேற்றப்படுவதோடு, எக்மோ (ECMO) கருவி உதவியுடன் சிகிச்சை அளிக்கப்பட்டு வருகிறது. இன்று மாலை மருத்துவ அறிக்கை வெளியாகாததால் கொளத்தூர் மக்கள் மிகுந்த கவலையில் உள்ளனர்.

‘இன்ஸ்டா’ ஜோடி கைவரிசை: 15 கிலோ நகைகள் மீட்பு – மதுரை நகைக் கடை கொள்ளை விசாரணையில் போலீஸார் அசத்தல்
தமிழகம்•

‘இன்ஸ்டா’ ஜோடி கைவரிசை: 15 கிலோ நகைகள் மீட்பு – மதுரை நகைக் கடை கொள்ளை விசாரணையில் போலீஸார் அசத்தல்

மதுரை தனிஷ்க் நகைக்கடை கொள்ளை வழக்கில் இன்ஸ்டாகிராம் பிரபலமான நிஷாந்த்தின் தந்தை சுரேஷ், அவரது தோழி மீனாட்சி ஆகியோரை தனிப்படை போலீஸார் கைது செய்தனர். மலையடிவாரத்தில் புதைத்து வைக்கப்பட்டிருந்த நகைகளையும் போலீஸார் மீட்டுள்ளனர். தலைமறைவாக உள்ள நிஷாந்த்தைத் தேடி வருகின்றனர். மதுரை பைபாஸ் நேரு நகர் சாலையில் புதிதாகத் திறக்கப்பட்ட தனிஷ்க் நகைக்கடையில் கடந்த 12-ம் தேதி அதிகாலை கொள்ளைச் சம்பவம் நடைபெற்றது. கடையின் முதல் தளத்தில் வைக்கப்பட்டிருந்த தங்கம் மற்றும் வைர நகைகள் கிலோ கணக்கில் […]

OBC அந்தஸ்து நிரந்தரம் அல்ல.. மதம் மாறிய கிறிஸ்தவர்களுக்கான BC, MBC இடஒதுக்கீடு செல்லுமா? ஜி.ஆர்.சுவாமிநாதன் பெஞ்ச் கேள்வி!
தமிழகம்•

OBC அந்தஸ்து நிரந்தரம் அல்ல.. மதம் மாறிய கிறிஸ்தவர்களுக்கான BC, MBC இடஒதுக்கீடு செல்லுமா? ஜி.ஆர்.சுவாமிநாதன் பெஞ்ச் கேள்வி!

பிற்படுத்தப்பட்ட வகுப்பினர் (OBC) அந்தஸ்து நிரந்தரமானது அல்ல என்று சென்னை உயர்நீதிமன்ற மதுரை அமர்வு தெரிவித்துள்ளது. மேலும், கிறிஸ்தவ மதத்திற்கு மாறிய குறிப்பிட்ட சமூகத்தினருக்கு வழங்கப்படும் BC, MBC இடஒதுக்கீடு அரசியலமைப்புச் சட்டப்படி செல்லுமா என்ற கேள்வியை எழுப்பிய நீதிபதிகள் ஜி.ஆர்.சுவாமிநாதன், எம்.டி.சுமதி ஆகியோர், இதுகுறித்து விரிவான விசாரணை நடத்த வேண்டியிருப்பதாகக் கூறி, தமிழக அரசுக்கு நோட்டீஸ் அனுப்ப உத்தரவிட்டுள்ளனர். மதுரை மாவட்டம் மேலூர் தாலுகா தெற்குத்தெருவைச் சேர்ந்தவர் ஜி.கோடீஸ்வரன். கள்ளர் சமூகத்தைச் சேர்ந்த இவர், தமிழ்நாடு […]

நீங்கள் தவறவிட்டிருக்கலாம்

அனைத்தும் →